Handball Trainingslager Huttwil 2024 - erster Tag

Es isch emal en schöne Mäntig gsi, wommer müed drii gstartet sind. Mir sind mitem Car vo Pfäffike (oder Wetzike) uf Huttwil gfahre. D Busfahrt isch lang gsi und ohni Pause. Wommer acho sind hend di einete sofort mitem Training agfange und di andere sind ruhig go uspacke. Nachem Training hets Zmittag geh und den hemmer churz chöne im Zimmer usruebe. Chli später hemmer schowider Training gha wommer viel Gägestöss güebt hend. Nachem Training hemmer chli Musig glosed, dusse Fuessball gspillt und sind Proviant für d Wuche im Kiosk go poschte. De Znacht isch ganz fein gsi, Spätzli mit gääälee Rüeblii. Churz drufabe hemmer eus für de Teamabig zäme mitem U15 troffe. Mir händ e spassigi Spiel-Olympiade gmacht. S het ganz vil luschtigi Spili geh, bim einte hettmer zum Bispil miteme Ballon müsse Bächer transportiere und bimne andere e Zeichnig mache miteme Stift wo jede vode Gruppe nume amne Schnürli het derfe hebe. Nach dem tolle Abig simmer schoglii alli is Bett go Schlafe und freued eus uf di nägschte Täg da im Lager.